بھارتی وزیر اعظم مودی کی طرح مودی کےدوست بھی دھوکے بازنکلے۔مودی جو خود بھی کئی کرپشن اسکینڈلز میں پھنسے ہوئے ہیں انکے قریبی دوست بزنس مین باواگتھو راگھورام شیٹی (بی آرشیٹی)متحدہ عرب امارات کی تاریخ  کا سب سے بڑا فراڈ کرکے بھارت فرارہوگئے۔

بی آر شیٹی نے این ایم سی اسپتال کے نام سے 80 مختلف بین الاقوامی اور اماراتی بینکوں سے تقریباً 3 ارب ڈالرکا قرضہ لیا تھا اور اب بھی اسپتال پر 2 ارب ڈالر کے بقایا جات ہیں۔ بھارتی بزنس مین نے جعلی دستاویزات، فرضی کمپنیوں، جعلی بینک اکاؤنٹس اور دیگر دستاویزات پیش کرکے اماراتی بینکوں سے اربوں روپے کا قرضہ حاصل کیا تھا۔ شیٹی کے فرار کے بعد اسپتال کو قرض دینے والے بینکس بھی مشکلات کا شکار ہوگئے ہیں جبکہ اسپتال کیلئے قرض چکانا بھی مشکل ہوگیا ہے۔

دوسری جانب متحدہ عرب امارات میں مفروربھارتی بزنس مین بی آرشیٹی کیخلاف قانونی کارروائی جاری ہے اور ان کے تمام بینک اکاؤنٹس منجمد کرتے ہوئے ان کی کمپنیوں کو بلیک لسٹ کردیا گیا ہے۔ یاد رہے متحدہ عرب امارات گذشتہ کچھ عرصے سے بھارت کے ساتھ دوستیاں بڑھا رہا تھا اور مسلمانوں کے قاتل نریندر مودی کو سب سے بڑا اماراتی سول ایوارڈ بھی دیا

گیا تھا۔تاہم بنئے  کی فطرت نہ بدلی اوراس کے دوست نے ہی متحدہ عرب امارات کو تاریخی فراڈ سے دوچار کردیا۔ تاہم اب اماراتی سینٹرل بینک نے حکم نامے میں بی آر شیٹی کے خاندان کے افراد کے بھی اکاؤنٹس منجمد کرنے کا کہا ہے۔ بھارتی بزنس مین فروری میں بھائی کے علاج کی غرض سے ابوظبی سے بنگلور  پہنچے تھے جہاں ان کے بھائی دوران علاج چل بسے تھے جس کے بعد وہ واپس امارات نہیں گئے ہیں اور اس دوران ہی ان کے فراڈ کا بھانڈہ پھوٹا۔بی آرشیٹی نریندر مودی کے قریبی دوستوں میں سے ہیں اور یہ مودی سرکار کی موجودہ ظالماںہ غاصبانہ کشمیر پالیسی میں پیش پیش رہے  ہیں۔