کراچی: 14 نومبر سے شروع ہونے والے پی ایس ایل فائیو کے پلے آف مرحلے میں 21 غیرملکی کھلاڑی شرکت کریں گے، جس میں جنوبی افریقہ کے 7، انگلینڈ کے 6، ویسٹ انڈیز کے 4، بنگلہ دیش کے 2 اور آسٹریلیا اور نیوزی لینڈ کے ایک ایک کھلاڑی شامل ہیں۔ واضح رہے کہ کورونا وائرس کی وجہ سے مارچ میں سپر لیگ ایونٹ ادھورا رہ گیا تھا۔

پاکستان سپُر لیگ میں شرکت کی تصدیق کرنے والے کھلاڑیوں میں نمایاں نام جنوبی افریقہ کے سابق کپتان اور ہارڈ ہٹنگ بیٹسمین فاف ڈو پلیسی کا ہے۔ ڈوپلیسی پشاور زلمی کی نمائندگی کریں گے، وہ 2017 میں ورلڈ الیون کے کپتان کی حیثیت سے پاکستان کا دورہ کرچکے ہیں اور پہلی بار پی ایس ایل کے ساتھ جڑے ہیں۔ انہیں ویسٹ انڈیز کے کیرون پولارڈ کی جگہ پشاور زلمی میں شامل کیا گیا ہے۔

پی ایس ایل فائیو کے پلے آف میچز 14 ، 15 اور 17 نومبر کو کراچی میں کھیلے جائیں گے، جس میں تمام اسکواڈز کو تجربہ کار غیر ملکی کھلاڑیوں کی خدمات حاصل ہوں گی۔ ان میں انگلینڈ کے ایلکس ہیلز اور جیمز ونس، جنوبی افریقہ کے رائیلی روسو اور کیمرون ڈلپورٹ، ویسٹ انڈیز کے کارلوس بریتھ ویٹ اور ڈیرن سیمی، آسٹریلیا کے بین ڈنک اور بنگلہ دیش کے تمیم اقبال نمایاں ہیں۔

پلے آف مرحلے تک رسائی حاصل کرنے والی چاروں ٹیموں کے اسکواڈز کچھ یوں ہیں:

کراچی کنگز۔۔ عامر یامین، الیکس ہیلز (انگلینڈ)، ارشد اقبال، اویس ضیا، بابر اعظم ، کیمرون ڈیلپورٹ (جنوبی افریقہ)، چیڈوک والٹن (ویسٹ انڈیز) ، افتخار احمد، عماد وسیم، مچل میک میکلینگھن (نیوزی لینڈ)، محمد عامر، محمد رضوان، شرجیل خان، روتھر فورڈ (ویسٹ انڈیز)، عمید آصف، عمر خان، اسامہ میر اور وقاص مقصود

لاہور قلندرز۔۔ عابد علی ، آغا سلمان ، بین ڈنک (آسٹریلیا) ، ڈین ویلاز (جنوبی افریقہ) ، ڈیوڈ ویزے (جنوبی افریقہ) ، دلبر حسین ، فخر زمان ، فرزان راجہ ، حارث رؤف ، جاہد علی ، معاذ خان ، محمد فیضان ، محمد حفیظ ، سمت پٹیل (انگلینڈ) ، شاہین شاہ آفریدی ، سہیل اختر ، تمیم اقبال (بنگلہ دیش) اور عثمان شنواری

ملتان سلطانز۔۔ ایڈم لیتھ (انگلینڈ)، علی شفیق، بلاول بھٹی، عمران طاہر (جنوبی افریقہ)، جیمز ونس (انگلینڈ)، جنید خان ، خوشدل شاہ، محمود اللہ (بنگلہ دیش)، محمد الیاس، محمد عرفان، روی بوپارہ (انگلینڈ)، رائیلی روسو (جنوبی افریقہ)، روحیل نذیر، شان مسعود، شاہد آفریدی، سہیل تنویر، عثمان قادر اور ذیشان اشرف

پشاور زلمی۔۔ عامر علی، عادل امین، کارلوس بریتھ ویٹ (ویسٹ انڈیز)، ڈیرن سیمی (ویسٹ انڈیز)، فاف ڈوپلیسی(جنوبی افریقہ)، حیدر علی، ہارڈس ویلجوئین (جنوبی افریقہ)، حسن علی ، امام الحق ، کامران اکمل، خرم شہزاد، لیام لیونگ اسٹون (انگلینڈ)، محمد محسن، راحت علی، شعیب ملک، عمر امین، وہاب ریاض اور یاسر شاہ