تازہ ترین
الہ آباد: بھارت میں سینیئر سیاستدان اور حکمراں جماعت بھارتیہ جنتا پارٹی (بی جے پی) کی رکن پارلیمنٹ کی 8 سالہ پوتی ہندو مذہبی تہوار دیوالی مناتے ہوئے آتش گیر مواد کی زد میں آگئی اور جھلس کر ہلاک ہوگئی۔ یہ واقعہ پیر کو الہ آباد میں ریٹابہوگناجوشی پریا کے اپنے گھر میں اُس وقت پیش آیا جب وہ اہل خانہ کے ساتھ دیوالی منا رہی تھیں۔
ہلاک ہونے والی بچی رکن پارلیمنٹ ریٹابہوگناجوشی کے بیٹے مائینک اور بہو ریچا کی اکلوتی اولاد تھی۔ منگل کو خاندان کے گھر جانے والے بی جے پی کے سرکردہ رہنماؤں کے مطابق بچی پیر کو پٹاخوں کے ساتھ کھیلتے ہوئے زخمی ہوئی تھی۔ بھارت بھر میں پٹاخے چلا کر دیوالی منانا عام بات ہے۔
مقامی میڈیا کی جانب سے بتایا گیا ہے کہ کپڑوں میں آگ لگنے کے بعد بچی کا جسم 60 فیصد جل گیا جس پر انہیں فوری طور پر نجی اسپتال منتقل کیا گیا، تاہم وہ زخموں کی تاب نہ لاتے ہوئے منگل کی صبح بلاک ہوگئی۔
اترپردیش کے نائب وزیراعلیٰ کیشو پرشاد موریا نے بھارتی میڈیا کو بتایا کہ علاج کی زیادہ جدید سہولتوں تک رسائی کے لیے بچی کو طیارے کے ذریعے دہلی لے جانے کا منصوبہ بنایا گیا تھا۔
انہوں نے کہا کہ لازمی طور پر بچی کھیل رہی ہوگی اور مجھے بتایا گیا ہے کہ وہ اسی وجہ سے جل گئی۔ ہم نے اسے دہلی منتقل کرنے کا فیصلہ کرلیا تھا لیکن ہمیں اس کی موت کی خبر کی توقع نہیں تھی۔
