کراچی: اگست کے دوران امریکہ پاکستان کی سب سے بڑی برآمدی منڈی بنا رہا کیونکہ اگست کے مہینے میں ملک نے امریکہ سے 33 کروڑ 45 لاکھ ڈالر کی آمدنی حاصل کی۔ البتہ 2019ء کے مقابلے میں کمی اس میں دیکھنے کو ملی ہے جبکہ اسی دورانیے میں 34 کروڑ 10 لاکھ ڈالر کی آمدن ہوئی تھی۔

اسٹیٹ بینک کے جاری کردہ اعداد و شمار کے مطابق پاکستان کو جولائی تا اگست امریکا سے 67 کروڑ 17 لاکھ ڈالر موصول ہوئے۔ جبکہ اس کے مقابلے میں 2019ء کے اسی مہینوں میں 71 کروڑ 46 لاکھ ڈالر ڈالر آئے تھے۔

برطانیہ اگست میں 12 کروڑ 91 لاکھ ڈالر کے ساتھ پاکستان سے دوسرا سب سے بڑا خریدار تھا اور گزشتہ سال اسی عرصے میں 13 کروڑ 75 لاکھ ڈالر کی خریداری کی گئی تھی جس کی وجہ سے اس سال 6.1فیصد کی کمی کا رجحان دیکھا گیا۔

دوسری جانب جرمنی کو پاکستان کی تجارتی برآمدات اگست کے دوران 6.75 فیصد اضافے کے ساتھ 11 کروڑ 17 لاکھ ڈالر ہو گئیں حالانکہ 2019ء کے اسی مہینے میں 10کروڑ 47لاکھ ڈالر کی تجارتی برآمدات ریکارڈ کی گئی تھیں۔

اس کے بعد فہرست میں چین کا نمبر آتا ہے جس نے جائزے کے تحت رواں ماہ کے دوران پاکستان سے 9 کروڑ 36 لاکھ ڈالر مالیت کا سامان خریدا تھا جو گزشتہ سال کے مقابلے میں 25.88 فیصد کم ہے کیونکہ گزشتہ سال اسی دورانیے میں 12کروڑ 26لاکھ روپے مالیت کا سامان خریدا گیا تھا۔

متحدہ عرب امارات نے اگست کے مہینے میں 9 کروڑ 32 لاکھ ڈالر مالیت کی پاکستانی مال کی خریداری کی جو 2019ء کے اسی مہینے میں کی گئی 9 کروڑ 97 لاکھ ڈالر کے مقابلے میں 6.51 فیصد کم ہے۔ دریں اثنا افغانستان کو برآمدات اس سال 5.36 فیصد اضافے کے ساتھ اگست میں 5 کروڑ 78 لاکھ ڈالر سے بڑھ کر 6 کروڑ 9 لاکھ ڈالر ہو گئیں۔